ភ្នំពេញ៖ ចៅស្រីទី១ របស់នាយករដ្ឋមន្ត្រី សម្ដេចតេជោ ហ៊ុន សែន បានត្រលប់មកកាន់ប្រទេសកម្ពុជាវិញនៅថ្ងៃទី៨ ខែកញ្ញា ឆ្នាំ២០២២ បន្ទាប់ពីប្រឡងបញ្ចប់ការសិក្សា។
បើតាមការបង្ហោះរបស់សម្ដេចតេជោ នាល្ងាចថ្ងៃទី៨ ខែកញ្ញានេះ ចៅស្រីទី១ របស់សម្ដេចមិនបានត្រឡប់មកកម្ពុជាតាំងពីឆ្នាំ២០១៩មកម្លេះដោយសារបញ្ហាកូវីដ-១៩ ដោយហេតុនេះទើបចៅស្រីទី២២ មិនទាន់ស្គាល់បងស្រីបង្កើតរបស់គេ។
សម្ដេចតេជោសរសេរថា៖ «រង់ចាំមើលតើគេត្រូវការពេលប៉ុន្មានទើបស្គាល់គ្នាដោយសារចៅទី២២ នៅក្មេងពេកទើបមានអាយុ ២០ខែ»។
ចៅស្រីច្បងរបស់សម្ដេចតេជោ ហ៊ុន សែន បានទៅសិក្សានៅប្រទេសបារាំង។ ក្នុងពេលដែលសម្ដេចតេជោធ្វើទស្សនកិច្ចនៅប្រទេសហុងគ្រី កាលពីខែមិថុនា ឆ្នាំ២០១៩ ចៅស្រីម្នាក់នេះបានធ្វើដំណើរមកជួបសម្ដេច និងត្រូវបានសម្ដេចអនុញ្ញាតឱ្យដើរតាមសំដែងការគួរសមជាប្រធានាធិបតី និងប្រធានសភាហុងគ្រីផងដែរនោះពេលនោះ។
សម្ដេចតេជោបានបញ្ជាក់នៅពេលនោះថា ការធ្វើបែបនេះគឺដើម្បីឱ្យចៅស្គាល់ពីរបៀបធ្វើការរបស់ថ្នាក់ដឹកនាំប្រទេស៕